DAVAO CITY – Kasamtangang gipahunong una sa Department of Social Welfare and Development (DSWD) Rehiyon onse ang pagdawat ug requirements sa educational assistance, gumikan sa kadaghan na sa mga applications.
Matod pa sa nahisgutang ahensya, magpaabot na lamang ug announcement. Samtang mosobra na sa P23 million ang kantidad nga nahatag sa DSWD eleven sa 9,520 ka mga benepisyaryo sa educational assistance sa rehiyon onse.
Sa dakbayan sa Davao nakabenipisyo ang mukabat sa 2,794 ka tawo; Davao del Norte (2,132); Davao del Sur (984); Davao Oriental (1,434); Davao de Oro (597) ug Davao Occidental (1,579).
Gipahibalo usab sa ahensya nga duha lamang ang opisyal nga mga numero ang nagahatud ug text blast. Aduna lang kini upat ka mga digits nga mao ang 6192 ug 5857.
Kadtong nakadawat ug text message gikan sa maong mga numero mao kana ang tinood ug dili kini scam. Samtang mukabat lamang sa 25,000 ka mga beneficiaries ang mahatagan ug educational assistance sa Davao region.
