-- ADVERTISEMENT --
DAVAO CITY – Mipakita sa ilang suporta ang ahensiya sa Department of Health (DOH) 11 sa sugyot nga ipailalom ang dakbayan sa Davao sa Enhanced Community Quarantine (ECQ) isip lakang aron nga mas mapahugtan pa ang pagpugong sa pagkuyanap sa Coronavirus Disease (Covid-19).
Sumala pa kang Anabelle Yumang, Regional Director sa Department of Health, nga kung ipatuman na ang ECQ sa dakbayan, posibleng dyutay na lamang ang matalang magpositibo sanglit limitado na lamang ang mogawas ug dali na lamang nila nga masubay kung si kinsa kadtong mga nakahimamat sa mga pasyente nga nagpositibo sa disease.
