Respetuhon sa Department of Finance (DOF) ang temporary restraining order nga gipagawas sa Supreme Court nga nagdili sa pagbalhin sa mga wala nagamit nga pondo sa Philippine Health Insurance Corporation (PhilHealth).
Mutabang ang DOF sa Supreme Court ug naglaum si Finance Secretary Ralph Recto nga makabaton sila ug higayong muhatag ug pagpaklaro sa isyu sa oral arguments.
Apan bisan paman niini, gikanayon ni Recto nga nahisubay sa General Appropriations Act 2024 ang pagbalhin sa pondo sa PhilHealth ug sa uban pang government owned and controlled corporations.
Ang GAA 2024 ang usa ka balaod nga giaprubahan sa kongreso. Dugang pa niini, ginatun-an sa DOF ang pagbalhin sa pondo sa PhilHealth ug gikonsulta usab niini ang mga legal experts susama sa Governance Commission for GOCCs, Government Corporate Counsel, ug Commission on Audit.
Matod pa usab niini, paborable ang mga legal opinions nga nakuha mahitungod sa pagbalhin sa unutilized o wala gigamit nga pondo sa PhilHealth ngadto sa National Treasury ug dili kini kabahin sa ginatawag nga reserve funds o kita sa PhilHealth nga gidili nga kuhaon, matod pa sa Universal Health Care Act aron gamitong panggasto sa gobyerno.
