DAVAO CITY – Mipakita ug suporta si Digos City Mayor Josef Cagas sa ipatuman nga semi-closing sa utlanan sa dakbayan isip gipahugtan nga lakang sa lokal nga aron nga mapugngan ang pagsaka sa Covid-19.
Una niini, nagpasalamat si Cagas sa mga misuporta sa turismo sa ilang lalawigan bisan tuod nga maapektohan kini sa higayon nga ipatuman na ang semi-closing sa utlanan sa dakbayan sa mosunod nga semana.
Wala sab sumala pa silay hugtanon nga mga restrictions o limitations sa mga mobiyahe paingon sa ilang lugar. Kahinumduman nga mismong si Davao City Mayor Inday Sara Duterte-Carpio ang mi-apela sa Regional Inter-Agency Task Force (RIATF) Against Covid-19 nga ipatuman ang “semi-close” sa utlanan sa rehiyon ug ipatuman ang hugtanon nga screening measures sa mga biyahedor nga molatas sa rehiyon.
Mismong ang Department of Health Davao Region ang nagrekomenda sab sa maong lakang human nga nadiskobrehan ang bag-ong Covid-19 variants nga na-detect sa pipila ka bahin sa Mindanao.
