DAVAO CITY – Nagpahinabo ang diarrhea outbreak sa Barangay Napungas sa Asuncion, probinsya sa Davao del Norte.
Gikumpirma sa usa ka social media post ni Kapitan Mariolito Maneja nga anaa sa 126 ka mga indibidwal ang nakahiagum ug kalibanga.
Ginaawhag karon sa kapitan ang katawhan nga mudangop sa ilang barangay kon ugaling makasinati ug sintomas sa maong sakit.
Tibuok adlaw nga abli ang ilang barangay health center alang sa mga magpatambal sa maong balatian.
Kasamtangan nang nagpaabot ug hinabang medikal ang lokal nga panggamhanan sa munisipyo sa Asuncion.
Duna na sab naka-standby nga mga medical teams aron mamonitor ang posibleng pagdagsang pa sa mga biktima sa diarrhea.
Naghatag sab ug mga potable water ang hingtundan aron magamit pangonsumo sa mga residente.
Sumala sab sa datos gikan sa Barangay Napungas as of 11 pm kagabii, anaa na sa 52 ang naka-recover sa diarrhea.
VIA || Bombo LJ Florendo
