Nagpadayon karon ang pagbida sa Davao Eagles sa Palarong Pambansa 2024.
Ning kasamtangan, anaa sa ika-upat nga pwesto sa Region XI kung diin sa latest tally, nakasegurado na kini og onse ka bulawang medalya, 14 ka silver medals ug onse usab ka bronze medals.
Sa karon aduna nay 36 ka mga medalya ang Region XI ug ginapaningkamotan usab sa mga pambatong atleta nga madungagan pa.
Nanguna sa maong talaan ang Calabarzon nga adunay 50 ka medalya, gisundan kini sa National Capital Region nga adunay 54 medals, ug dayon Central Visayas nga adunay 40 ka mga medalya. Isip kabahin sa gisaad nga pahalipay, personal nga gitunol ni Regional Director Allan Farnazo ang P30,000 nga cash incentives kay Meljun Sabidor kinsa nakatala og record breaking performance sa Javelin Throw Secondary Boys.
Kalakip sa mga atletang nakakuha og bulawang medalya mao sila Presrioland Ariate ug Alyhanna Parulan sa Taekwondo-Mixed Pair Poomsae Elementary.
Fiona Golosino ug Xacks Jacob Bolador sa Juveline Latin Single Dance Paso Doble. Francheska Darvin ug Bhenz Rudolf Semilla sa Junior Standard Single Dance Foxtrot ug Paolo Labanon sa 200 Butterfly Secondary Boys.
Una nang gikanayon sa tigpamaba sa DEPED XI nga si Jenielito ‘Dodong’ Atillo nga paningkamotan sa Davao Eagles nga malabwan ang nasakmit niining ika-unom nga pwesto sa nakalabay nga tuig ug makab-ot ang ika-upat nga pwesto karong tuiga.
