Gipasalig sa Department of the Interior and Local Government (DILG) nga andam na kini nga molihok kon magpagawas na og Warrant of Arrest ang ICC batok sa uban pang mga personalidad nga gilangbigit sa drug war sa miaging administrasyon.
Sa pagpadayon sa kaso ni kanhi Pangulong Rodrigo Duterte sa International Criminal Court (ICC),gibutyag ni DILG Secretary Jonvic Remulla, bisan og aduna na’y gipangalanan nga mga giingong co-conspirators ang ICC, wala pa’y Warrant of Arrest nga gipagawas katong panahuna, busa wala pa’y makonsidera nga actionable document.
Bisan paman niini, gibutyag sa kalihim nga gitino na sa gobyerno kung asa nahimutang ang mga nasampit nga indibidwal. Sumala pa nga ng uban kanila, anaa na sa gawas sa nasud.
Dugang pa ni Remulla, ilahang ginakolekta karon ang tanang rekord nga may kalabotan sa mga giingong co-conspirators ug gilauman nga makumpleto kini sulod sa maong semana.
