Sugyot balaodnon nga nagtangtang sa travel tax sa mga biyahero, gi-aprubahan na sa House Committee on Tourism

Gi-aprubahan na sa House Committee on Tourism ang sugyot balaodnon nga nagtangtang sa travel tax sa mga biyahero.

Tumong niini nga mapamenos ang gasto sa ordinaryong pasahero ug mapalambo ang travel competitiveness sa nasud.

Kung mapasa ang maong sugyot balaodnon, magpasabot kini nga usbon ang Presidential Decree No. 1183 ug ang Tourism Act of 2009.

Kahinumduman nga gihangyo mismo ni Pang.Ferdinand Marcos Jr. sa mga magbabalaod nga hatagan og prayoridad ang pagpasa sa maong sugyot og hingpit nga ibasura ang travel tax.