DAVAO CITY – Gilauman sa Davao City COVID-19 Task Force nga dunay posibleng surge o hinaling pagsaka sa mga kaso sa COVID-19 human ang bag-uhay lamang natapos nga Kadayawan Festival.
Tungod niana, nagpahibalo na ang tigpamaba nga si Dr. Michelle Schlosser nga kinahanglang magpaabot pa ug duha ka simana nga monitoring aron masuta ang posibleng pagdungag sa mga kaso sa mga nataptan sa virus human sa tanang mga kalihukan atol sa Kadayawan.
Busa giawhag sa buhatan ang katawhan nga mudangop sa mga libreng COVID-19 testing centers sa dakbayan aron magpa-test.
Sumala sab sa buhatan nga nakatala na ug sitenta’y singko ka mga bag-ong kaso sa COVID-19 ang dakbayan, as of August 24, nga nakadungag sab sa kapin usa ka libong mga kasong natala sulod sa katorse ka adlaw karung bulan sa Agosto.
VIA || Bombo LJ Florendo
