DAVAO CITY – Kasamtangang gina-monitor sa Davao City Health Office ang mga kaso sa mga medical students nga nataptan ug COVID19.
Gikanayon ni Dr. Ashley Lopez nga nagpositibo pa sa RTP-CR test ang mga graduating medical students nga naglihok sa ilang mga internships sa mga ospital ug community immersions.
Nagsugod ang ginaingong transmission sa maong sakit sa mga estudyante sukad gipatuman ang face-to-face classes niadtong Agosto.
Dili man hinuon grabe ang ilang nasinatiang mga sintomas apan kinahanglan pud nila mupasailawom sa quarantine usa pa makabalik sa klase.
Gitaho usab niya nga ang gidaghanon sa mga kaso naglangkob sa wala kaabot ug diyes porsyento sa tibuuk nga populasyon sa mga estudyante sa Davao City.
Giawhag karon ni Lopez ang mga estudyante ilabi na ang mga graduating students nga magpabakuna batok COVID19.
via || Bombo LJ Florendo
