Giklaro ni House Prosecution Spokesperson Rep. Zia Alonto Adiong nga dili mahimong i-reimburse gamit ang confidential funds ang mga gasto nga nahimo sa wala pa ma-release ang maong pondo.
Matud ni Adiong, adunay klarong mga lagda sa paggamit sa confidential funds ug dili kini mahimong gamiton aron bayran pag-usab ang mga gastong nahimo na daan.
Gipunto usab niya nga dili mahimong i-charge sa confidential funds ang mga aktibidad sa usa ka opisina kung wala kini gilakip sa mga gitugot ubos sa joint circular nga nagdumala sa paggamit sa maong pondo.
Nahimo ang pahayag taliwala sa padayon nga paghisgot sa paggamit sa confidential funds sa Office of the Vice President atol sa impeachment proceedings.
Gipasabot ni Adiong nga importante ang pagsunod sa joint circular aron masiguro nga ang confidential funds magamit lamang sa mga aktibidad nga klarong gitugotan sa balaod ug sa existing auditing rules.
Padayon ang pag-usisa sa mga dokumento ug transaksyon nga may kalabotan sa maong pondo. | VIA BOMBO EROS PAJOTA
