Gipangulohan ni Transportation Secretary Banoy Lopez ug Philippine Coast Guard (PCG) Commandant Admiral Ronnie Gil Gavan niadtong Huwebes ang opisyal nga pag-activate sa Coast Guard District sa Kalayaan Island Group aron ipakita ang soberanya sa nasud ug ipatuman ang maritime laws.
Gimando ni Pangulong Ferdinand Marcos Jr. ang Department of Transportation (DOTr) ug PCG nga palapdan ug magtukod pa og dugang nga coast guard districts sa mga estratehikong dapit sa baybayon sa nasud aron mapalambo ang ilahang kapasidad ug mas mapanalipdan ang maritime domain sa Pilipinas.
Sumala ni Secretary Lopez, ang pag-activate sa bag-ong Coast Guard District sa Kalayaan Island Group atol sa Adlaw sa Kagitingan usa ka paagi sa gobyerno sa pagpakita og suporta ug pag-ila sa sakripisyo sa mga personnel sa PCG.
Gibutyag usab niini nga giila ni Pangulong Marcos ang dedikasyon ug kaisog sa PCG personnel samtang nag-atubang sila sa adlaw-adlaw nga hagit sa pagpanalipod sa interes sa nasud sa kadagatan, lakip ang pagpanalipod sa mga mananagat nga mga Pilipino ug pagpapatuman sa maritime laws.
Ang mandato sa bag-ong Coast Guard District mao ang pagpatuman sa maritime security, pagpatuman sa balaod sa dagat, ug pagpanalipod sa soberanya sa Pilipinas sa West Philippine Sea.
