DAVAO CITY- Gikanayon sa tigpamababa sa BJMP Davao Region nga si Capt. Edo Lobenia nga aduna silay pipila ka mga cellular phones nga nakumpiskar apan walay mga illegal nga mga droga kaganiha atol sa gipahigayon nga Oplan Greyhound Operation kauban ang Davao Task Force ug Philippine National Police aron usab sa pagsiguro nga luwas ug layo sa transaksiyon batok illegal nga kalihukan sama na lamang sa pagpayuhot og illegal nga droga ang maong mga Persons Deprived of Liberty kon PDL.
Dungag pa niini nga adunay classification nga mahitabo ngadto sa bag-ong City Jail nga nahimutang sa Wangan aron makalikay ang mga PDL nga makakuhag ideya sa mga katikaran sa susamang illegal nga binuhatan ilabi na nga magamit nila kini o buhaton nila kung sila anaa na sa gawas.
