DAVAO CITY – Gipahibalo ni Agriculture Secretary Emmanuel Piñol nga ang buko o sabaw sa butong ang mamahimong official energy drink sa Palarong Pambansa, nga magsugod karong April 27, 2019 dinhi sa dakbayan sa dabaw.
Gikanayon ni Piñol nga nakighinabi na sa organizing committee sa palarong pambansa ang coconut farmer-leader nga si Laureano Callao, Jr. alang sa launching sa “Buko Vida Kiosk” sa UP Mindanao.
Dugang pa ni Piñol nga kini ang magsilbing usaka makaksaysayanong panghitabo sa industriya sa lubi sa nasud. Pinaagi sa nahisgutang ideya gilauman sa opisyal ang pagsaka sa kita sa mga butong.
Karong adlaw nga Lunes, opisyal nga isubmiter ni Piñol ang sulat nga mohangyo nga ang buko himuong official energy drink sa Palarong Pambansa ngadto kang Education Secretary Leonor Mirasol Briones.
Samtang, plano usab sa mga mag-uuma ug lubi nga i-promotar usab ang buko isip official energy drink alang sa 30th Southeast Asian Games nga ipahigayon sa New Clark City sa Pampanga, Manila, Subic, ug BLT o Batangas, La Union, ug Tagaytay karong Nov. 30 hangtud Dec. 10.
