DAVAO CITY – Pormal na nga gisugdan karong adlawa Agosto 1, 2022 ang Brigada Eskwela.
Nakig-alayon sa maong programa ang mga personahe sa Coast Guard District Southeastern Mindanao partikular na sa Magallanes Eelementary School.
Gikanayon ni NES Moses John Sarmiento, officer in charge sa CGDSEM, matag tuig nga ginahimo sa ilang mga personahe ang pakig-alayon sa mga tulonghaan ilabi na sa Brigada Eskwela.
Dugang pa ni Sarmiento nga subay sa kamanduan, motabang sila sa pagbalhin sa mga computer set ug ang pagpanglimpyo sa palibot sa nahisgutang tulonghaan.
Dungan sa Brigada Eskwela, gisugdan na usab sa mga magtutudlo ang pagdawat og mga enrollees alang ning tuig kasamtangan.
Na una nang gikanayon ni DepEd 11 spokesperson Jenielito Dodong Atillo nga gilauman nilang mousbaw ang ihap sa mga magtutungha sa mga public schools sa syudad human nanirado ang pipila ka mga private school gawas pa sa pagpatuman og usbaw sa tuituon fee niini.
Ang Brigada Eskwela ang pagpangandam sa pormal na nga pagbalik sa face to face classes sa nasud karong Agosto 22.
Via || ANGIE CHAGAS
