DAVAO CITY – Nadungan pa ang benepisyo sa Solo Parent Act kini human gi-amyendahan ang bag-ong balaud sa Solo Parent Law ngadto sa RA 118611 o “The Expanded Solo Parent Welfare Act of 2022.
Usa sa mga benepisyo sa maong balaud mao ang tabang pinansyal nga mukabat sa P1,000 matag bulan ngadto sa mga solo parents.
Lakip sab niini ang 10% discount, exemption sa VAT ilabina sa nag-unang panginahanglan sa ilahang mga anak sama na lamang sa gatas, diaper, vitamins ug bakuna sa mga bata nga anaa sa 6-anyos paubos.
Matud pa ni Ms. Sherlyn S. Concubierta, Solo Parent Focal sa DSWD XI nga mamahimong mapatuman ang balaud ilabina dinhi sa dakbayan kung magpagawas na og “approval” mahitungod sa Implementing Rules and Regulations kon IRR ang DSWD-Central Office.
Mamahimo usab na mubisita ang mga Solo Parents ning rehiyon ngadto sa official facebook page, website o muadto na lamang sa opisina sa DSWD XI aron matubag ang ilahang mga pangutana mahitungod sa maong programa.
Via || Bombo David Francisquete
