Misulod na sa Philippine Area of Responsibility (PAR) ang Tropical Storm Kalmaegi nga gitawag og lokal nga ngalan nga Tino.
Sumala pa sa state weather bureau, magsugod na sila karong adlawa sa pagpagawas og mga Tropical Cyclone Bulletins aron mahatagan og pinakabag-ong impormasyon kabahin sa lihok, kusog, ug posibleng epekto sa bagyo sa nasud.
Ang pagsulod ni Bagyong Tino sa PAR misunod sa nakalinyada nga mga weather disturbances nga nakaapekto sa Visayas ug Mindanao sa miaging mga semana.
Bisan wala pa kini’y direktang epekto sa yuta karon, gipangandaman sa mga eksperto ang posibleng pag-ulan, pagtaas sa balod, ug pagkusog sa hangin sa mga lugar nga anaa sa silangang bahin sa nasud.
Ang Kalmaegi usa ka tropical storm nga unang nabantayan sa Pacific Ocean, diin kasagaran nga paspas molihok ang mga bagyo sa ingon ini nga panahon.
Gipasidanan ang publiko, labi na ang mga nagpuyo sa dapit og baybayon, nga magpabilin nga alerto ug maghulat sa mga pahimangno gikan sa mga otoridad.
