DAVAO CITY – Opisyal nang giablihan alang sa mga katawhan sa probinsya sa Davao de Oro ang ilang bag-ong opisina sa kapitolyo.
Sa panguna ni Governor Dorothy Montejo-Gonzaga, gibendisyonan kagahapon ang ginatawag nga “Opisina sa Katawhan” nga mamahimong bag-ong gambalay sa mga mudangop ug personal sa mga opisina sa lokal nga panggamhanan aron makapangayo ug hinabang.
Sulod sa bag-ong opisina, dunay receiving ug waiting area alang sa mga buot magpaabot ug katuyoan ug panginahanglan; lakip na ang conference room alang sa mga labing dako ug importanteng mga panagpulong.
Malipayong gipaambit ni Governor Gonzaga ang maong opisina alang sa mga lumulupyo sa probinsya aron makabaton ug maayong serbisyo gikan sa ilang pagpangatundan.
via || Bombo LJ Florendo
