DAVAO CITY – Dungan sa iyang paglingkod sa katungdanan isip bag-ong 10th Infantry Division commander, kalakip sa pahimangno ni Philippine Philippine Army Commanding General Lieutenant General Romeo Brawner ngadto sa mga militar nga likayan ang paglabot-labot sa kalihokan sa politika ug mga kandidato ingon man sa mga aktibidad sa social media.
Gipasabot sa nahisgutan nga bisan adunay mga politiko nga ginasuportahan ang matag usa, angayan matud pa nga itago na lamang kini sa kaugalingon ug likayan ang pag-endorso o pagkumbinsi sa uban nga botohan kini.
Gibarugan sa opisyal nga isip mga militar nga nagsilbi sa nasod, angayan sumala pa nga pabilin sab sila nga apolitical nga organisasyon ug walay politiko nga panalipdan inay ang lamang ang serbisyohan.
Mas maayo sumala pa nga hisgutan na lamang sa matag usa kauban ang ilang pamilya kung si kinsa ang buot nila nga botohan sa eleksiyon.
Gani gi-awhag niini ang mga kasundalohan nga gamiton sab ang kahigayonan nga makaboto sa ipahigayon nga eleksiyon sa Mayo 9 niining kasamtangan nga tuig.
