DAVAO CITY – Gilimod sa usa ka babae nga una nang gikareport nga na-missing niadtong miaging adlaw nga sumala pa gidagit sa wala mailhing mga dautang tawo.
Sumala ni Aira Leones, nga dili tinuod na gikidnap siya nga una nang nag trending sa social media. Kini ang gibutyag ni Leones kauban ang kabanay niini atubangan ni Davao City Mayor Sebastian Duterte atol sa ilang pagbisita sa buhatan sa Mayor. Pagpaklaro pa sa nahisgutan na igo lamang sumala pa siya nga nakigtagbo ug dayon nag post sa iyang social media tungod sa iyang kabalaka.
Kahinumduman, nagpakitabang ang inahan ni Leones sa kapulisan tungod kay wala na kini nakauli pa sa ilang panimalay sukad kini nibiya pasado alas 5 sa hapon, Agosto 24 ning tuig kasamtangan. Una nang nakit-an ang dalaga sa Luna extension, Alas 8 pasado niadtong huwebes sa gabie.
Nasayran nga nakita na lamang kining 20-nyos na dalaga human sa gihimong pagpangita sa operatiba sa Sta. Ana Police Station gumikan nagpakatabang na ang inahan niini ngadto na sa mga otoridad.
Una nang nagpahimangno ang kapulisan nga kung dunay mga insidente na sama sa kining pagpandagit gilayon na i report sa kapulisan aron kini mapanubayan.
