DAVAO CITY – Nagpahimangno karon ang Anti-Cybercrime Unit-11 ngadto sa publiko nga dili basta-basta nga mag-download ug App nga gikanayong maka-tigom ug kuwarta gumikan kay mamahimong kuhaon niini ang mga mahinungdanon nga impormasyon.
Kahinumduman nga gawas sa social media, uso na sab karon ang usa ka App nga mamahimo sumala pa nga ma-convert ngadto sa kuwarta o magamit sa pagpalit ang matigom nga gems.
Sumala pa kang P/Capt. Julius Santillana, Deputy Chief sa Anti-Cybercrime Unit-11, kinahanglan nga basahon pag-ayo ang agreement sa usa ka App ayha kini i-download aron nga dili magmahay sa umaabot nga panahon.
Posible sumala pa nga makuha ang personal nga impormasyon sa user niini ug gamiton sa mga binuang o dautan nga binuhatan ilabi na karon nga padayon ang krisis nga hatud sa covid-19 ug bisan unsa na lamang ang sudlon sa mga tawo aron lamang maka-kwarta.
