Gipasalig sa Armed Forces of the Philippines nga igo ang pwersa ug security measures aron mapadayon nga malinawon ang unang parliamentary election sa Bangsamoro Autonomous Region in Muslim Mindanao sa Septiyembre 14.
Matod ni AFP spokesperson Col. Francel Margareth Padilla, gipakusog pa ang checkpoint operations ug ubang security deployments human sa ambush sa convoy ni Interim Chief Minister Abdulraof Macacua sa Maguindanao del Norte.
Dugang pa, padayon ang koordinasyon sa AFP, Philippine National Police, COMELEC ug ubang stakeholders aron mapanalipdan ang mga botante ug electoral process.
Giklaro usab sa COMELEC nga walay basehan sa pagkakaron aron i-postpone ang eleksyon, bisan giklasipikar niini nga election-related violence ang pag-atake sa convoy ni Macacua.
Lakip sa election period ang gun ban nga nagsugod niadtong Hulyo 16.
Sa pagkakaron, 2.393 milyon ka rehistradong botante ang gilauman nga mobotar sa 5,212 precincts sa 105 ka municipalities ug cities sa Bangsamoro.
Gibarugan sa AFP nga wala silay nakitang babag nga makapugong sa eleksyon. | VIA BOMBO EROS PAJOTA
