Nadiskobrehan sa Department of Energy (DOE) Mindanao ang 13 ka gasolinahan nga wala mituman sa gitakdang rollback sa presyo sa petrolyo atol sa inspeksyon sa nagkalain-laing fuel station sa Mindanao niadtong Nobyembre 10, 2026.
Tungod niini, gipadalhan og Show Cause Order ang maong mga gasolinahan aron hatagan og higayon nga mopatin-aw sa ilang kapakyasan sa pagsunod sa kasamtangang regulasyon. Gipasabot sa DOE nga mahimong ipahamtang ang angay nga administratibong silot ug multa sa mga establisemento nga mapamatud-ang nakalapas sa gitakdang presyo.
Padayon usab ang pagdeploy sa mga inspector sa nagkalain-laing lugar aron masiguro nga hingpit nga ipatuman sa mga gasolinahan ang price rollback ug direktang makabenepisyo niini ang mga motorista ug konsumidor.
Pinaagi sa padayon nga pagmonitor, tumong sa ahensya nga mapugngan ang pagpahimulos sa mga konsumidor ug masiguro nga ang pagpaubos sa presyo sa gasolina ug uban pang produktong petrolyo makita usab sa aktuwal nga presyo sa mga gasolinahan.
