Magpahigayon og panagtigom si US First Lady Melania Trump uban sa mga representante sa Russia ug Ukraine sa White House karong Huwebes, Nobyembre 5, 2026, subay sa iyang kaugalingong inisyatiba.
Sumala sa White House, adunay kalabotan ang maong panagtigom sa lokal nga kasabotan sa ceasefire nga iyang natabangan nga maangkon tali sa duha ka nasud sa lungsod sa Oleshky sa rehiyon sa Kherson, Ukraine.
Pinaagi sa maong kasabotan, gitugotan ang pagsulod sa makatawhanong tabang ug pagbakwit sa mga sibilyan nga nagpabilin sa maong lugar. Natapos ang unom ka adlaw nga ceasefire kaniadtong Nobyembre 1, diin hapit 800 ka residente ang natabangan nga makabiya sa lugar.
Lakip sa gipaabot nga motambong si Ukrainian Human Rights Ombudsman Dmytro Lubinets ug ang iyang katugbang sa Russia nga si Yana Lantratova.
Gilauman usab nga hisgotan sa panagtigom ang kalampusan sa makatawhanong operasyon ug ang posibilidad sa dugang nga kooperasyon tali sa duha ka nasud alang sa kaayohan sa mga sibilyang naapektuhan sa gubat.
Kahinumdoman nga kaniadtong Oktubre 23 gipahibalo ni Melania Trump ang pagkab-ot sa lokal nga kasabotan sa ceasefire aron mapadali ang paghatod og tabang ug pagbakwit sa mga residente sa Oleshky.
