Presyo sa mga produktong petrolyo, gilaumang mag-usab sa unang semana sa Nobyembre

Gilauman ang pag-usab sa presyo sa mga produktong petrolyo sa unang semana sa Nobyembre, base sa inisyal nga pagtantiya sa Department of Energy o DOE. Sumala sa DOE, posibleng mokunhod og 80 sentimos hangtod piso ang presyo sa matag litro sa diesel.

Samtang, gilauman usab ang pagsaka sa presyo sa gasolina nga posibleng moabot sa P2.00 hangtod P2.20 sentimos kada litro. Wala usab gilauman nga mausab ang presyo sa kerosene o gas.

Sa pagkakaron, gipaabot pa ang opisyal nga pahibalo sa DOE karong Lunes aron mahibal-an ang eksaktong kantidad sa dugang o bawas sa presyo sa mga produktong petrolyo.

Kasagarang ipatuman ang bag-ong presyo sa mga produktong petrolyo matag Martes.