Patay ang duha ka indibidwal samtang nadaot ang bahin sa usa ka oil refinery human sa gikatahong pinakadakong drone attack sa Ukraine sa Moscow Region sa Russia, atol sa kataposang adlaw sa parliamentary elections sa nasod.
Sumala kang Moscow Mayor Sergei Sobyanin, kapin 1,600 ka drone ang giingong napahagsa sa Russia sukad Sabado, lakip ang 450 nga padulong unta sa Moscow.
Matud sa city authorities, tumong kuno sa Ukraine nga maapektuhan ang nasodnong eleksyon pinaagi sa maong pag-atake, apan napakyas kuno ang maong plano.
Dugang pa, dako usab ang kadaot sa pipila ka mga building ug kabalayan, hinungdan aron ipasakay ug ipahilayo sa lugar ang kapin 400 ka residente sa Ramenskoye district.
Nahimo usab ang pag-atake sa mga pasilidad sa enerhiya bisan pa sa una nang pahayag ni US President Donald Trump nga nagkauyon kuno ang Russia ug Ukraine nga dili targeton ang imprastraktura sa usag usa.
