Misaka sa pito ka bulan nga pinakataas ang cash remittances sa mga overseas Filipino ngadto sa 3.2 bilyon ka dolyar o tugbang sa ₱201.07 bilyon kaniadtong Hulyo 2026, sumala sa Bangko Sentral ng Pilipinas.
Ang maong kantidad nga 1.9 % mas taas kumpara sa Hulyo 2025 ug pinakataas nga monthly inflow sukad niadtong Disyembre 2025, diin mikabat sa 3.5 bilyon ka dolyar ang gipadala sa mga Pilipino sa gawas sa nasud.
Sa unang pito ka bulan sa tuig, mikabat sa 20.4 bilyon ka dolyar ang remittances, nga 2.3 % nga mas taas kumpara sa samang panahon niaging tuig.
Gibanabana sa BSP nga mahimong moabot sa 36.6 bilyon ka dolyar ang remittances sa tibuok 2026, o 2.7 % nga mas taas kaysa 2025.
Ang Estados Unidos nagpabiling pinakadakong tinubdan sa remittances, gisundan sa Singapore ug Saudi Arabia.
Matud sa BSP, padayon nga nakatabang ang remittances sa household consumption ug domestic economic activity, ilabina samtang nag-atubang ang mga pamilya sa pagsaka sa presyo sa mga batakang produkto ug serbisyo.
Sumala sa economic analyst nga si Jonathan Ravelas, nagpabiling lig-on ang remittance flows ug nagsilbi kining importanteng suporta sa ekonomiya.
Samtang, gilauman nga magpadayon ang pagpadala og kwarta sa mga Pilipino sa gawas sa nasod ngadto sa ilang mga pamilya.
