Gihangyo ni kanhi House quad-committee chairman Robert Ace Barbers si kanhi presidential spokesperson Harry Roque nga mouli na sa Pilipinas ug atubangon ang mga kaso nga iyang giatubang human gi-deny sa Austria ang iyang asylum application.
Matud ni Barbers, wala na kuno’y rason si Roque aron magpabiling gawas sa nasod ug likayan ang mga awtoridad.
Kinahanglan nang biyaan ni Roque ang pagtuo nga usa siya ka importanteng political figure nga nanginahanglan og proteksyon sa laing nasud.
Niadtong Septiyembre 2024, gideklarar nga in contempt sa quad-committee sa 19th Congress si Roque human giingong napakyas sa pagsumite sa mga dokumentong iyang gisaad sa mga pagdungog.
Misupak usab si Barbers sa paghulagway ni Roque sa quad-committee isip “Kangaroo court,” ug giingon nga gihatagan gihapon kini og higayon nga motubag sa mga pangutana sa panel.
Nalambigit si Roque sa imbestigasyon bahin sa giingong human trafficking sa Lucky South 99 Offshore Gaming Hub sa Porac, Pampanga.
Pagpaklaro ni Roque nga iyang gilimod ang bisan unsang sayop ug giingon nga politically motivated ang mga kaso batok kaniya.
Gipadayon ni Barbers ang panawagan nga mouli si Roque ug atubangon ang mga pangutana bahin sa iyang giingong koneksyon sa Philippine Offshore Gaming Operator (POGO).
