Naigo sa wala pa mailhing mga projectile ang usa ka major oil pipeline system sa Saudi Arabia nga hinungdan sa pagkasunog sa pipila ka pump stations duol sa maong pasilidad.
Subay sa mga report, wala pa matino sa mga otoridad kung kinsa ang responsable sa maong insidente nga nakaapekto sa importanteng bahin sa suplay sa lana sa nasud.
Gibutyag sa pipila ka opisyal sa Estados Unidos nga posibleng drone gikan sa Iraq ang miigo sa mga pipeline, apan wala pa kini opisyal nga nakumpirma sa mga awtoridad.
Ang maong insidente miresulta og sunog sa nagkalain-laing pump stations nga konektado sa pipeline system, samtang nagpadayon ang assessment sa kadaot nga nahitabo.
Wala pa usab mahibaloi kung kanus-a mahuman ang pag-ayo sa mga nadaot nga pipeline ug kung unsa kadako ang epekto niini sa operasyon sa oil facilities sa Saudi Arabia.
Padayon ang imbestigasyon aron mahibal-an ang tinuod nga hinungdan sa insidente ug ang posibleng responsable sa maong pag-atake.
