Gisumite na sa International Criminal Court (ICC) prosecution ang listahan sa mga saksi ug ebidensiya sa kasong crime against humanity batok kang kanhing Pangulo Rodrigo Duterte.
Naglangkob ang tulo ka panid nga confidential document sa listahan sa mga saksi ug ebidensiya nga gisumite sa Office of the Prosecutor ngadto sa Trial Chamber III.
Ubos sa Regulation 23bis (1) sa Regulations of the Court nga confidential ang pag-file sa maong mga dokumento tungod kay naglangkob kini og sensitibong impormasyon kabahin sa mga saksi.
Sa laing bahin, adunay kapin 6,000 ang namatay sa war on drugs base sa rekord sa gobyerno, samtang kapin 30,000 ang ihap nga gibanabana sa mga human rights group.
Gilauman nga magsugod ang pagtaral kang FPRRD karung umaabot nga bulan sa Nobyembre.
