Gisupak sa August Twenty-One Movement o ATOM ang pahayag ni Pangulong Ferdinand Marcos Jr. nga dili “ill-gotten wealth” ang bahandi sa ilang pamilya, ug gitawag kini sa grupo nga “fake news.”
Nagkanayon ang ATOM nga dili angay usbon ang kasaysayan sa mga kaso nga adunay kalabotan sa kabtangan sa pamilya Marcos.
Una nang gipatin-aw ni Pres. Marcos nga nakadaog sila sa pipila ka civil cases tungod kay wala mapamatud-i nga ill-gotten ang pipila ka kabtangan.
Apan adunay mga desisyon sa Korte Suprema nga nagmando sa forfeiture sa Marcos Swiss deposits pabor sa gobyerno, lakip ang usa ka desisyon kaniadtong 2003.
Gipahayag usab sa Presidente nga mas giprioridad niya ang iyang katungdanan isip pangulo kaysa mga isyu sa estate sa pamilya.
Samtang, iyang gisalig sa mga abogado ang pag-atiman sa isyu sa wala pa mabayrang estate tax.
