Giaprubahan sa House of Representatives sa ikatulo ug katapusang pagbasa ang House Bill No. 10365 nga nagtumong sa pagpalig-on sa Philippine Crop Insurance Corporation o PCIC ug pagpalapad sa insurance protection alang sa mga mag-uuma ug mangingisda.
Ubos sa gisugyot nga balaod, dili na lamang humay ug mais ang mahimong sakop sa crop insurance, kondili apil usab ang high-value crops, livestock, fisheries ug aquaculture, agroforestry projects ug forest plantations.
Mahimo usab nga maapil sa insurance ang mga makinarya, mga gamit, pasilidad sa transportasyon ug uban pang agricultural infrastructure, ingon man ang life ug accident term insurance alang sa mga mag-uuma ug mangingisda.
Tumong sa sugyot nga mas dali nga makabangon ang mga benepisyaryo gikan sa epekto sa bagyo, natural nga kalamidad, sakit sa tanom ug hayop, peste ug uban pang risgo nga mahimong hinungdan sa pagkalugi.
Giaprobahan ang HB 10365 pinaagi sa boto nga 201 pabor, zero supak ug zero abstention.
Matud ni House Speaker Faustino “Bojie” Dy III, importante ang mas lig-on nga insurance system aron dili mosangpot sa pagpangutang ang mga mag-uuma matag higayon nga maigo sa kalamidad ang ilang panginabuhian.
Ubos usab sa gisugyot nga balaod, mahimong magpatuman ang PCIC og parametric o index-based insurance ug uban pang modernong insurance products.
Ipadayon usab ang government premium subsidies alang sa mga kwalipikadong subsistence farmers nga nag-uma og dili molapas sa tulo ka ektarya.g HB 10365 pinaagi sa boto nga 201 pabor, zero supak ug zero abstention.
Matud ni House Speaker Faustino “Bojie” Dy III, importante ang mas lig-on nga insurance system aron dili mapugos sa pagpangutang ang mga mag-uuma matag higayon nga maigo sa kalamidad ang ilang panginabuhian.
Ubos sa maong sugyot, mahimo usab nga magpatuman ang PCIC og parametric o index-based insurance ug uban pang modernong insurance products, samtang ipadayon ang government premium subsidies alang sa kwalipikadong subsistence farmers nga nag-uma og dili molapas sa tulo ka ektarya.
| via Bombo Ray Ann Martinez
