Gipalugway sa Bureau of Internal Revenue kon BIR hangtod Agosto 18, 2026 ang deadline sa pag-file ug pagbayad sa buhis sa mga lugar nga naapektuhan sa habagat.Apil na usab sa extension ang mga taxpayer nga nakasinati og teknikal nga problema sa offline package sa eBIRForms.
Matud ni BIR Commissioner Charlito Martin Mendoza, tumong sa extension nga hatagan og dugang panahon ang mga taxpayer aron makatuman sa ilang obligasyon nga walay multa o penalty. Sakop sa Revenue Memorandum Circular No. 95-2026 ang mga tax obligation nga naka-deadline unta gikan Agosto 10 hangtod 16, lakip ang withholding tax ug income tax returns.
Gimandoan usab sa BIR ang Authorized Agent Banks kon AABs nga modawat sa mga bayad ug aplikasyon hangtod sa bag-ong deadline nga walay dugang bayranan. Hinuon, giklaro sa BIR nga dili sakop sa extension ang mga taxpayer nga naggamit sa Electronic Filing and Payment System kon eFPS kung wala sila naapektuhan sa habagat.
