Mihangyo si Ukrainian President Volodymyr Zelensky sa Estados Unidos nga ibaligya sa Ukraine ang bahin sa ilang Patriot interceptor missiles, nga matud niya mahimong dakong tabang sa pagpanalipod sa ilang nasod batok sa mga pag-atake sa Russia.
Sumala pa ni Zelensky, gihangyo niya ang ilang mga kauban sa Estados Unidos nga ibaligya ang 5% sa mga interceptor missile nga anaa sa ilang mga bodega sa armas aron makatabang sa Ukraine nga malampasan ang umaabot nga bugnaw nga panahon ug mapanalipdan ang mga kinabuhi.
Gipunting usab niini nga kung maabot sa 10% ang maibaligya sa Estados Unidos, mahimo nilang laglagon ang tanang ballistic missile sa Russia. Lakip sa gipangayo sa lider sa Ukraine ang mga interceptor missile alang sa Patriot air defense system, usa ka sistema sa depensa sa kahanginan nga gigamit sa pagpukan o pagpugong sa mga bomba ug missile sa kaaway sa dili pa kini makaigo sa yuta.
Sa kasamtangan, gibana-bana nga 1% pa lamang sa kinatibuk-ang suplay sa maong mga interceptor missile ang anaa sa Ukraine, hinungdan nga nagpadayon ang ilang kalisdanan sa pag-atubang sa mga pag-atake sa Russia.
