Gipaabot nga magtutok ang impeachment trial karong adlawa sa cross-examination sa testigo isip sunod nga bahin sa nagpadayon nga pagdungog.
Kini ang gipahayag ni prosecution legal spokesperson Atty. Benjamin Tolosa human sa pagpresentar sa prosecution sa mga dokumento nga ilang gisaligan aron suportahan ang mga isyung gusto nilang maklaro sa proceedings.
Matud ni Tolosa, igo na ang mga dokumentong ilang nalatid sa miaging hearing aron mapakita ang mga punto nga gustong tutokan sa prosecution.
Tungod niini, gipaabot nga masentro karon ang hearing sa cross-examination, diin masusi ug mapangutan-an pag-ayo ang testigo kabahin sa iyang testimonya ug sa mga dokumentong gipresentar.
Gipaabot usab nga ang mga tubag sa testigo mahimong makatabang sa pagpatin-aw sa mga isyung gipunting atol sa impeachment proceedings.
Padayon namang tutokan ang mahimong dagan sa cross-examination ug ang sunod nga lakang sa prosecution ug defense panels human sa pag-usisa sa testigo. | VIA BOMBO EROS PAJOTA
