Nagpahibalo ang Qatar nga adunay kauswagan sa negosyon sa kalinaw tali sa Estados Unidos ug Iran, nga maoy hinungdan sa pagkunhod sa presyo sa lana sa kalibutang merkado.
Gipadayag sa Qatar nga gihisgutan nila ni U.S. President Donald Trump ug Amir of the State of Qatar Sheikh Tamim bin Hamad Al Thani ang mga lakang aron mapaduol ang posisyon sa Washington ug Tehran ug maibalik ang normal nga kahimtang sa Strait of Hormuz.
Gipasabot sa Iran, bisan pa niana, nga wala pay pormal nga negosasyon nga gihimo uban sa Estados Unidos.
Mipahayag usab ang Iran nga nagpadayon ang positibong panaghisgot niini uban sa Oman kabahin sa luwas nga pag-agi sa mga barko sa Strait of Hormuz, bisan pa nga nagpabiling sirado ang maong agianan alang sa dakong bahin sa suplay sa lana ug liquefied natural gas sa kalibutan.
Nagpadayon gihapon ang tensyon sa rehiyon human maigo sa wala pa mailhing projectile ang usa ka cargo vessel duol sa Strait of Hormuz, samtang naunlod usab ang usa ka Indian vessel duol sa kadagatan sa Yemen human maigo sa projectile missilem hinuon naluwas ang tanang 14 ka tripulante nga sakay sa maong barko.
Aduna na usab koordinasyon uban sa Oman ug Pakistan aron mapalambo ang peace talk, samtang naglaom ang mga opisyal sa Estados Unidos nga mahimong makab-ot ang kasabutan sa pagbukas sa Strait of Hormuz sa umaabot nga mga adlaw.
