Mipanaw na si Atty. Jose Sison, iladong abogado ug host sa programa sa telebisyon nga “Kapag May Katwiran, Ipaglaban Mo!” sa edad nga 88 anyos, sumala sa gipahibalo sa iyang anak nga si Jopet Sison pinaagi sa usa ka facebook post.
Sumala pa sa mensahe ni Jopet, ilang gipasalamatan ang kinabuhi sa iyang amahan isip usa ka abogado, bana ni Josie, amahan sa unom ka anak, ug apohan sa 16 ka mga apo.
Dugang pa niini, gihandom ni Jopet si Sison isip usa ka tawo nga nagpuyo og makahuluganon nga kinabuhi isip usa ka propesyonal, kapikas sa kinabuhi, ug haligi sa ilang pamilya.
Kahinumduman nga nailhan si Atty. Jose Sison isip usa sa mga batikan nga abogado sa nasod ug dugay nga nagdumala sa “Kapag May Katwiran, Ipaglaban Mo!”, usa ka programa nga naghatag og legal nga tambag ug kahibalo sa publiko.
