Mikabat na sa 26 ang gidaghanon sa mga namatay tungod sa grabeng epekto sa habagat nga gipakusgan sa miaging Bagyong Inday, base sa pinakabag-ong report sa National Disaster Risk Reduction and Management Council (NDRRMC).
Subay sa report, pinakadaghan ang namatay sa Sarangani nga adunay napulo, gisundan sa Lanao del Sur nga adunay pito, upat sa Davao Occidental, duha sa Zamboanga Sibugay, duha sa Bukidnon, ug usa sa Iloilo.
Gawas sa mga namatay, siyam ang naangol samtang 14 pa ang padayon nga gipangita.
Dako usab ang kadaot nga nahatag sa bagyo ug habagat, nga nakaapekto sa kapin 244,000 ka pamilya o labaw sa usa ka milyon ka indibidwal sa nagkalainlaing rehiyon sa Pilipinas.
Nagpadayon ang mga lokal nga panggamhanan ug mga ahensya sa ilang search and rescue operations aron pangitaon ang mga namissing ug makahatag og tabang sa mga apektadong komunidad.
Gipasiugda sa insidente ang importansya sa sayong pagpangandam ug panagtinabangay sa pag-atubang sa mga kalamidad nga dala sa dili maayong panahon.
