-- ADVERTISEMENT --
Temporaryong gisirad-an sa mga otoridad ang duha ka lane sa Davao-Bukidnon Road sa bahin sa Barangay Buda, Marilog District, Davao City, human sa pagdahili sa yuta nga gipahinabo sa padayon nga kusog nga pag-ulan.
Sumala pa sa advisory sa DPWH Regional Office XI, ang bahin sa Sta. K1623+400 hangtod K1623+450 ang naapektuhan sa landslide, hinungdan nga duha na lamang sa upat ka lane ang mahimong maagian sa mga sakyanan.
Dugang pa niini, nagpadayon ang clearing operations aron dali nga mahawan ang mga natumpag nga yuta ug uban pang debris nga mitabon sa dalan.
Sa pagkakaron, gihangyo sa mga motorista ang pag-amping ug pagsunod sa traffic advisories samtang wala pa hingpit nga naablihan ang tanang lane sa maong karsada.
