Padayon gihapon nga nasinati ang mga aftershocks human sa kusog nga Magnitude 7.8 Offshore Mindanao Earthquake nga miigo niadtong Hunyo 8, 2026.
Sumala sa pinakabag-ong tala sa mga seismologists, miabot na sa 9,372 ka mga seismic events ang na-record, diin 2,425 ang na-plot ug 97 ang nabati sa publiko. Ang kusog sa mga aftershocks nag-igo sa Magnitude 1.2 hangtod 6.4.
Bisan og kasagaran niini mga huyang ug walay kadaut, nagpabilin nga alerto ang mga awtoridad ug padayon ang monitoring sa PHIVOLCS aron masiguro ang kaluwasan sa mga residente.
Gipahimangnoan ang publiko nga magpabiling andam ug mosunod sa mga pahibalo sa lokal nga panggamhanan.
Ang maong Offshore Earthquake usa sa pinakakusog nga naitala karong tuiga sa nasod ug nakapahinabo og gamay nga tsunami. Apan dali usab nga gikompirma sa mga eksperto nga walay hulga sa delikadong tsunami human sa hitabo.
