-- ADVERTISEMENT --
Gipaambit sa usa ka netizen ang bidyo nga kuha sa gituohang kilat nga miigo mismo sa usa ka lubi duol sa ilang tindahan sa Inabanga, Bunawan, Davao City, gabii Mayo 27, 2026.
Sumala sa iyang pahayag, kusog kaayo ang dalugdog ug kilat nga halos makabungol, ug nakapanimaho siya og baho nga murag pulbora human sa panghitabo.
Makita sa video nga napahak ug halos matunga ang maong lubi tungod sa kusog nga pag-igo sa kilat.
Nabalaka ug nakurat usab ang pipila ka residente sa maong lugar human makadungog sa kusog nga tingog niini. Hinuon, wala’y natalang naangol sa maong insidente, samtang nagbilin kini og kahadlok sa mga nakasaksi.
