Nanawagan si Batangas 1st District Representative Leandro Leviste sa Office of the President of the Philippines nga imbestigahan ang mga report sa giingong diskriminasyon sa pag-apod-apod og ayuda.
Sa usa ka press briefing sa House of Representatives of the Philippines niadtong biyernes, gibutyag sa kongresista nga adunay usa ka kapitan nga giingnan sa presidente sa Liga ng Barangay sa Batangas nga dili maapil sa ayuda tungod kay “Nanluod” kuno si Governor Vilma Santos-Recto. Sumala sa kongresista, naipahibalo na nila ang isyu sa Malacañang, ug giingon nga gisaad nga ihatag ang ₱200,000 para sa mga barangay nga wala naapil sa pag-apod-apod sa ayuda karong adlawa.
Sa kasamtangan, giawhag ni Leviste si Pangulong Ferdinand Marcos Jr. nga ipahatag ang ayuda sa wala naimbitahan nga mga barangay ug imbestigahan ang proseso sa pag-apod-apod nga giingong nalambigit kang Executive Secretary Ralph Recto.
