Misaka og 6.39% ang kinatibuk-ang kita sa gaming industry sa Pilipinas niadtong 2025, sumala sa Philippine Amusement and Gaming Corporation.
Base sa datos, miabot sa ₱396.14 bilyon ang gross gaming revenues (GGR) sa 2025, mas taas kung itandi sa ₱372.33 bilyon niadtong 2024.
Ang pagsaka giduso sa pagtubo sa online ug electronic gaming.
Sumala sa PAGCOR, ang e-games ug online gaming segment lakip ang e-bingo ug ubang digital betting platforms misaka og 30.44% ug miabot sa ₱201.12 bilyon.
Tungod niini, kini na karon ang labing dako nga bahin sa kita sa industriya, nga nagrepresenta sa 50.77% sa total GGR.
Samtang, mikunhod ang kita sa traditional o brick-and-mortar casinos og 9.58% ngadto sa ₱182.50 bilyon, samtang ang PAGCOR-operated casinos miubos usab og 20.95% ngadto sa ₱12.52 bilyon.
Sumala kang Alejandro Tengco, klaro nga nagbag-o na ang industriya tungod kay ang online gaming na ang nag-unang nagpalihok sa pagtubo niini.
