Mipadayag si Israeli Prime Minister Benjamin Netanyahu nga prayoridad karon sa Israel ang pagbungkag sa impluwensya sa Hezbollah sa Lebanon, samtang nagpadayon ang tensyon sa Middle East.
Taliwala sa nagpadayon nga tensyon sa rehiyon, mibutyag si Netanyahu nga nakatutok ang Israeli forces sa Bint Jbeil, nga iyang giingong maoy usa sa labing-importanteng kuta sa Hezbollah sa habagatang Lebanon.
Ang panagbangi tali sa Israel ug Hezbollah nga gisuportahan sa Iran misamot pag-usab human sa military operations sa U.S.-Israeli strikes batok sa Iran niadtong Pebrero 28, nga giingong nakapagrabe sa mas lapad nga gubat sa Middle East.
Kabahin niini, gibutyag usab ni Netanyahu nga padayon ang koordinasyon sa Israel ug Estados Unidos sa isyu sa Iran, lakip ang posibleng pagtangtang sa enriched nuclear material ug paglimita sa nuclear capabilities sa nasud.
Gikanayon usab niini nga dili pa klaro ang kahimtang sa umaabot, apan andam ang Israel sa bisan unsang posibleng scenario kung mosamot pa ang kagubot sa rehiyon.
