Nabalaka ang daghang manufacturers sa pagpalig-on sa ilahang operasyon tungod sa pagsaka sa gasto sa enerhiya, nga resulta sa krisis sa Middle East.
Aron mapadayon ang operasyon sa mga pabrika, ilahang gi-adjust ang production schedules ngadto sa off-peak hours ug nagpatuman og mas flexible nga work setups.
Sa pamahayag nga gipaguwa, ang Federation of Philippine Industries (FPI) mibutyag nga ang walay hunong nga produksyon mao gihapon ang ilahang labing-prayoridad, bisan pa sa pagsaka sa presyo sa fuel nga nakaapekto sa kuryente, transportasyon ug gasto sa raw materials.
Matod pa ni FPI chair nga si Elizabeth Lee, gihatagan og prayoridad sa mga kompanya ang padayon nga produksyon samtang giprotektahan usab niini ang kalig-on sa ilahang workforce, bisan pa nga nagkagamay ang kita tungod sa pagsaka sa gasto.
Lakip sa ilahang mga lakang ang pag-reschedule sa produksyon ngadto sa off-peak hours aron makamenos sa gasto sa kuryente, pagdeploy og mga trabahante nga cross-trained aron makahimo og lain-laing buluhaton kung gikinahanglan, ug pagbalhin sa nonproduction nga trabaho ngadto sa remote work kung mahimo.
Dugang pa niini, gipahugtan usab sa mga kompanya ang ilahang cost control pinaagi sa pag-renegotiate sa kontrata sa suppliers, pagpaayo sa energy efficiency sa production lines, ug pag-streamline sa logistics aron makamenos sa konsumo sa fuel.
