Gipa-subpoena sa National Bureau of Investigation (NBI) ang 18 ka mga indibidwal nga nagpailang mga kanhi Marines nga giingong nagsilbing bagmen ug security aides ni resigned Cong. Zaldy Co.
Gikompirma ni NBI Director Atty. Melvin Matibag nga ipatawag niini ang maong mga indibidwal sa umaabot nga Miyerkules, Marso 11.
Sumala ni Matibag, gimanduan ang bureau sa Office of the Ombudsman nga imbestigahan ang alegasyon sa mga kanhing sundalo, lakip na ang ilahang pagkatawo, background, ug kredibilidad.
Una nang gihangyo sa direktor si Atty. Levi Baligod nga boluntaryong isumite sa ilahang opisina ang affidavit sa mga kanhing Marines.
Gibutyag niini nga ang ebidensya maoy basihan sa direksyon sa imbestigasyon ug wala kini’y tuyo nga balewalain o i-discredit ang expose’ sa maong kampo.
Sumala pa ni Matibag, adunay proseso ang balaod ug hustisya aron masiguro nga dili mawagtangan og bili ang testimonya sa mga testigo kung kini dal-on na sa korte.
Sa alegasyon sa mga kanhi sumala pa miyembro sa Philippine Marines, gikabutyag nga naka-deliver sila og kapin P800 bilyon ngadto sa pipila ka opisyal sa gobyerno lakip si PBBM ug kanhi House Speaker Martin Romualdez, gikan sa tuig 2022 hangtod 2025.
