Gidepensahan ni lead defense lawyer Nicholas Kaufman si kanhing Pangulong Rodrigo Duterte bahin sa mga tawo nga namatay atol sa armed confrontations sa kampanya batok sa iligal nga droga.
Sumala ni Kaufman, nga ang kamatayon nahitabo lamang sa dihang mitubag ang pwersa sa kapulisan sa usa ka hulga nga direkta ug delikado, sumala sa Rules of Engagement nga gisunod ni Duterte nga nagtugot lamang sa paggamit og lethal force kon ang kinabuhi anaa sa peligro.
Dugang pa niya, adunay lig-on nga mga dokumento sa operasyon sama sa arrest warrants, operational records, ug narekober nga mga armas nga nagpamatuod sa legalidad sa mga operasyon sa kapulisan.
Giingon ni Kaufman nga ang kadaghanan sa mga engkwentro niresulta sa pag-aresto o pagtahan sa mga target, ug ang pagpatay dili mao ang unang intensyon sa operasyon, hinungdan nga ang tanan nahitabo sumala sa balaod ug pormal nga mga patakaran sa kapulisan.
