Nagpatuman karong adlawa ang pipila ka mga LGU og pagsuspendi sa klase sa pipila ka bahin sa rehiyon.
Kini
gumikan sa walay hunong nga pag-ulan sukad pa kagahapong adlawa diin nagpakanaug ug kamanduan ang mga Mayor sa pagsuspende sa klase sa tanang lebel sa pampubliko ug pribadong mga tulonghaan tungod sa gipaguwang weather advisory sa PAGASA nahitungod sa nasinating sagunson nga pag-ulan gumikan sa Shearline.
Lakip sa suspensyon ang mga trabaho sa teaching ug non teaching personnel nga anaa na-assign sulod sa mga eskwelahan.
Tumong sa suspensyon nga masiguro ang kaluwasan ug seguridad sa mga estudyante ingon mga magtutudlo.
Kabhin niini ang lokal nga panggamhanan usab nagapahimangno sa tanan nga mga katawhan nga mag amping sa posibleng epekto sa walay hunong nga pag-ulan karong panahuna ingon man ang pagmonitor sa kahimtang sa panahon.
Ang mga LGU nga nagpatuman og pagsuspendi sa klase karong adlawa ang gilangkuban sa Munisipalidad sa Mawab, Mabini, Pantukan, Mawab, Nabunturan, Monkayo (work suspension )Montevista, Maco, Maragusan, Laak, New Bataan, dakbayan sa Mati sa Davao Oriental, ingon man ang Island Garden City of Samal, Tagum City, Davao City, ug Panabo City.
Nagdeklara usab ang Munisipalidad sa Lupon, Banay-Banay, Municipalidad sa San Isidro ug Gov. Generoso sa Davao Oriental.Samtang nagdeklara usab ang lungsod sa New Corella sa Davao Del Norte tungod sa walay undang nga pag-ulan sukad pa kagahapon, San Isidro Davao Del Norte, Talaingod, Carmen, B.E.Dujali, Sto. Tomas, Asuncion ug Kapalong.
Nagpatuman usab og class suspension ang Carara ug Banganga sa Davao Oriental, ingon man ang Sta. Maria ug Don Marcelino sa Davao Occidental.
