Gipahayag ni kanhi Department of Public Works and Highways (DPWH) Secretary Manuel Bonoan nga naglaum kini sa datos nga gisubmitar sa iyaha sa mga sakop, ilabi na sa buhatan sa namatay nga si undersecretary Maria Catalina “Cathy” Cabral, sa pagdungog sa Senate Blue Ribbon Committee mahitungod sa matod pa anomalya sa flood control projects.
Dugang gipahayag ni Bonoan, nagsubmitar ang DPWH kaniadtong Agosto 2025 sa Office of the President ug listahan sa mosobra sa 9,000 natapos nga flood control projects gikan sa Hulyo 2022 hangtod Mayo 2025, pagkatapos sa ikaupat nga State of the Nation Address ni PBBM.
Gipasabot niini nga ang nahisgutang datos ang nagagikan sagitapok nga record sa Multi-Year Planning and Scheduling (MYPS) nga gi-andam ni Cabral. Samtang gi-akusahan usab ni Senate President Pro Tempore Panfilo “Ping” Lacson si Bonoan nga gituyo sa pagsubmitar ug sayop nga grid coordinates sa libo-an ka mga flood control projects, nga miresulta sa “grossly inaccurate data” ug gibanabanaan nga 421 ghost projects.
Gitawag ni Bonoan nga mind-boggling ang ihap ug nangutana kung nganong wala kini gikatala sa Commission on Audit ug mas sayo. Gipahayag pa ni Bonoan nga ang nag-inusarang potensyal nga ghost projects nga nahatod niini sa presidente mao ang mga gika-report sa Bulacan First Engineering District. Gipahayag niini sa presidente nga naglaum kini nga isolated case lamang kini gumikan kay walay laing report ang nahi-abot sa iyaha.
