Nagpabiling kusug ang hangin sa Tropical Storm Ada samtang anaa kini sa coastal waters sa Baras, Catanduanes.
Sumala sa labing bag-ong taho sa hingtungdan nga ahensya ang bagyo adunay Maximum sustained winds: 85 km/h duol sa sentro ngadto sa 115 km/h.
Milihok pa-amihanang kasagpan ang bagyo sa gikusgon nga 25 km/h.
Adunay gilapdon ang kusog nga hangin (gale-force winds) ngadto sa 400 km gikan sa sentro.
Samtang gisaka na usab sa Signal No. 2 ang pipila ka bahin sa Luzon ilabi na ang Sidlakang bahin sa Camarines Norte (Vinzons, San Lorenzo Ruiz, San Vicente, Talisay, Basud, Mercedes, Daet, Paracale), silangan ug gitnang bahin sa Camarines Sur (Siruma, Tinambac, Ocampo, Goa, Lagonoy, Milaor, Nabua, Buhi, Caramoan, Baao, Cabusao, Bato, Camaligan, Pili, Sipocot, Tigaon, Pamplona, Garchitorena, Iriga City, San Fernando, Magarao, Minalabac, Balatan, Libmanan, Naga City, Calabanga, Bombon, Bula, Canaman, Pasacao, Sagñay, San Jose, Presentacion, Gainza, Lupi), Catanduanes, Albay, ug Sorsogon.
Lakip usab ang Visayas region ilabi na sa Northern Samar. Samtang gisaka usab sa Signal No. 1 ang pipila ka bahin sa Quezon lakip ang Polillo Islands, Marinduque, silangang bahin sa Romblon (Cajidiocan, Magdiwang, San Fernando), nahibiling bahin sa Camarines Norte ug Camarines Sur, ug Masbate.
Sa Visayas region gilangkuban sa Eastern Samar, Samar, Biliran, amihanang bahin sa Leyte (Carigara, Barugo, San Miguel, Babatngon, Tacloban City, Tunga, Jaro, Alangalang, Santa Fe, Palo, Dagami, Pastrana, Tanauan, Tabontabon, Julita, Dulag, Tolosa, La Paz, Mayorga, Macarthur, Kananga, Capoocan, Leyte, Calubian, San Isidro, Tabango, Burauen, Ormoc City, Matag-Ob, Villaba, Albuera, Palompon, Merida, Isabel), ug amihanang bahin sa Cebu (Medellin, Daanbantayan) lakip ang Bantayan Islands.
Samtang gipahimangnuan ang publiko nga magbantay ug mag-amping sa posible nga pagbaha, landslide, ug kusog nga hangin.
